काठमाडौँ — सातदोबाटोस्थित एन्फा कम्प्लेक्समा भएको खेलमा Machhindra FC ले नव जनजागृति क्लबलाई ४–० ले हराउँदै राष्ट्रिय लिग फुटबलमा शीर्षस्थानमा उक्लिएको छ। जोनाथन एडुवार्डोको ह्याट्रिकप्रेरित जितपछि मछिन्द्रसँग २२ अंक पुगेको छ भने नव जनजागृति अहिलेसम्म अंकविहीन रहेर १७ टोलीमध्ये पुछारमा छ।
एडुवार्डोले ११ औं मिनेटमा पहिलो गोल गरेपछि ५० औं मिनेटमा पेनाल्टीबाट दोस्रो गोल थपेका थिए। ६२ औं मिनेटमा रेजिन सुब्बाले तेस्रो गोल र ८१ औं मिनेटमा एडुवार्डोले व्यक्तिगत ह्याट्रिक पूरा गरे। चिली मूलका प्यालेस्टिनी खेलाडी एडुवार्डोले यस प्रतियोगितामा हालसम्म ८ गोल गरिसकेका छन्।
मछिन्द्रले आफ्नो पछिल्ला दुई खेलमा क्लिन सिट राख्दै लगातार जित हासिल गरेको छ। लिग तालिकामा मछिन्द्रसँग शीर्षस्थानमा १ अंकको अग्रता छ। दोस्रो स्थानमा APF Club २१ अंकमा रहेको छ भने Tribhuvan Army Club २० अंकमा तेस्रो स्थानमा छ।
दिनको पहिलो खेलमा Manang Marsyangdi Club ले चित्लाङ एफसीलाई २–० ले पराजित गरेको थियो। स्यारब लो तामाङले पहिलो गोल गरे भने सुमित मल्लले दोस्रो गोल थपे। मनाङले १० खेलबाट १२ अंक बटुलेको छ भने चित्लाङ ७ अंकमा सीमित रह्यो।