काठमाडौँ। राष्ट्रिय लिग–२०८२ मा पुलिसले बिहीबार दशरथ रंगशालामा भएको खेलमा नव जनजागृतिलाई ७–० ले पराजित गर्दै अहिलेसम्मकै ठूलो अन्तरको जित निकालेको छ। यसअघि सबैभन्दा ठूलो हार नव जनजागृतिको नाममा थियो, जब उनीहरूलाई चर्च ब्वाइजले ६–१ ले हराएको थियो। अहिलेको हारसँगै नव जनजागृतिले लगातार सात खेल हारेको छ र टिम शून्य अंकमा रह्यो।
ADVERTISEMENT
पुलिसले लगातार लय समात्न संघर्ष गरिरहँदा पनि यो जितले उनीहरूलाई सात खेलबाट सात अंक दिलाएको छ। पुलिसका गोलकर्ता मध्ये धीरेन्द्रबहादुर शाहले ३६ र ४७ औं मिनेटमा दुई गोल गरेका थिए भने सञ्जीव लामाले पहिलो हाफको इन्ज्युरी समयमा दुई गोल थपे। भरत शाहले ४५ औं मिनेट र विजय उरनवले ६१ औं मिनेटमा एक–एक गोल गर्दै police को जितलाई पूर्णता दिएका थिए।