दुध एक पौष्टिक खाद्यपदार्थ भए पनि केहि खानेकुरासँग मिसाएर सेवन गर्दा पाचन प्रणाली बिग्रनु, छालासम्बन्धी समस्या, एलर्जी, र मुटु–श्वास रोग जस्ता स्वास्थ्य जोखिमहरू बढ्न सक्छ। विशेषज्ञहरू भन्छन्, दुधसँग मिलाउन नहुने खानेकुराहरूको सचेतता आवश्यक छ।
१. कटहर र सातु:
दुधसँग रूख कटहर वा सातु मिसाएर खाने गर्दा पाचनमा गडबडी, पेट दुखाइ, भूँडी हुडल्ने, छालामा दाद र चिलाउने जस्ता समस्या देखा पर्न सक्छ। उच्च प्रोटिनयुक्त यी मिश्रणले पाचनमा असर गर्छ।
२. मासु, माछा र अन्डा:
मांसाहारी पदार्थ र दुध सँगै सेवन गर्दा पाचन प्रणालीमा विजातीय पदार्थ बन्ने, फूड पोइजनिङ, पेट दुखाइ र शरीरमा दुबीको जोखिम रहन्छ।
३. नुन र चिप्स:
दुधसँग नुन वा नमकिन खाँदा छालाको संक्रमण, दाद, फोकाफोकी, खटिरा र एलर्जीको समस्या बढ्न सक्छ।
४. फलफूल र सलाद:
अमिला फलफूल जस्तै कागती, स्ट्रबेरी, सुन्तला आदि दुधसँग मिसाउँदा विषाक्तता, अपच, वान्ता, खोकी, र एलर्जी बढ्न सक्छ। आँपसँग दुध सेवन गर्दा पनि पाचन समस्या देखा पर्न सक्छ।
५. दाल:
कालो मासको दाल, गहत, मुंग दुधसँग खानु हुँदैन। दाल र दुधको प्रोटिन पचाउन फरक विधि लाग्ने भएकाले पेट खराब, ग्यास, फुल्ने र अपच हुन्छ।
६. मसला, खुर्सानी र तेल:
मसला र तेलयुक्त खानेकुरासँग दुध सेवन गर्दा पेट दुखाइ, एसिडिटी, ग्यास, अपच, भुँडी हुडल्ने जस्ता समस्या देखा पर्छ।
७. अन्य सावधानी:
.दुधसँग दही, अमिलो वा चिसो–तातो विपरीत पदार्थ नखानुहोस्।
.बेलसँग दुध नखानु, बेलको चोपले दुधको प्रोटिनलाई बिगार्छ।
विशेषज्ञको सुझाव सल्लाह:
दुध पौष्टिक भए पनि सेवन गर्दा संयम अपनाउनुपर्छ। गलत मिश्रणले पाचन, छाला, मुटु–श्वास प्रणाली, एलर्जी र फूड पोइजनिङको जोखिम बढाउँछ। स्वास्थ्य सुरक्षित राख्न दुधसँग के खाने सकिन्छ र के नगर्नु पर्छ भन्ने ज्ञान हुनु आवश्यक छ।