तेजस्वी कप अन्तरविद्यालय बास्केटबल प्रतियोगिता आइतबारदेखि सुरु

काठमाडौं। तेजस्वी एकेडेमीको आयोजनामा पहिलो पटक हुने तेजस्वी कप अन्तरविद्यालय बास्केटबल प्रतियोगिता आइतबारदेखि सुरु हुँदैछ। प्रतियोगितामा ब्वाइजतर्फ १२ र गल्र्सतर्फ ८ टोलीको सहभागिता रहने तेजस्वी एकेडेमीका प्रिन्सिपल थिरबहादुर बस्नेतले शुक्रबार आयोजित पत्रकार सम्मेलनमा जानकारी दिएका छन्।

बास्केटबल प्रशिक्षक दिपेश कार्कीका अनुसार ब्वाइजलाई ४ र गल्र्सलाई २ समूहमा विभाजन गरी लिग कम नकआउट आधारमा खेलाइनेछ। ब्वाइज समूहका विजेता र उपविजेता क्वाटरफाइनलमा प्रवेश गर्ने छन् भने गल्र्स समूहका विजेता र उपविजेता सेमिफाइनलमा पुगेका छन्।

प्रतियोगिताका सबै खेलहरु तार्केश्वर नगरपालिकाको थापा गाउँस्थित आयोजकको आफ्नै कोर्टमा आयोजना गरिनेछ। प्रतियोगिताले युवा खेलाडीलाई अनुभव र अन्तरविद्यालय स्तरमा प्रतिस्पर्धा गर्ने अवसर प्रदान गर्ने अपेक्षा गरिएको छ।